Málþing föstudaginn 24. júní 2022

Samþætting heilbrigðis- og velferðarþjónustu, sjálfbær þjónusta, sjálfstæðir notendur

Heilbrigðis- og velferðartækniklasi Norðurlands (Veltek) mun halda málþing um nýjar nálganir í þjónustu við íbúa. Flutt verða m.a. erindi um stafræn umskipti innan heilbrigðis- og velferðarþjónustu í dreifðum byggðum, samvinnu á norðurslóðum og rannsóknir á þjónustulausnum verða kynntar. Í tengslum við málþingið munu fyrirtæki kynna þjónustulausnir sínar.

Það hefur sjaldan verið mikilvægara að veita heilbrigðis- velferðarþjónustu á hagkvæman hátt. Veltek er öflugur vettvangur þar sem heilbrigðisstofnanir, sveitarfélög og háskólasamfélagið sameinast um að kanna og veita mikilvægar þjónustulausnir.  Veltek vinnur markvisst að því að styðja við þróun, sækja sér og rækta þekkingu á nýrri tækni, kynna hana og koma henni kerfisbundið í notkun. Markmiðið er að styðja við starfsfólk í heilbrigðis- og velferðarþjónustu og stuðla þannig að betri þjónustu við íbúa og sem bestu lífi og hagsæld Norðlendinga.

Dagskrá málþingsins verður birt um miðjan maí.

Skráning í síma 899-4422 eða í gegnum veltek@en.veltek.is